Saturday, May 19, 2007

البدلة والفستان الابيض


أن يحلم الشاب والفتاة بيوم زفافهم وليلة عمرهم شئ طبيعي فهذه هي سنة الحياة في كل زمان ومكان .. انهارات حضارت وقامت اخرى على انقاض سابقتها لكن الحلم كان ينتقل من جيل لجيل .. فالفتاة برومانسيتها تحلم بالفستان الابيض وهى تقف بجوار شريك حياتها والرجل بعمليته يحمل بالبدلة السوداء وبجواره الفتاة التى ستسانده خلال فترات حياته .. فما أجمل أن تشعر بأنك النجم والجميع سعداء لفرحتك وما أجل ان تشعرى بأنك ملكة والجميع يسعى لإلتقاط صور تذكارية معكى .. رؤية الاب والام وهم اسعد البشر على كوكب الارض ودموع الفرح تملئ عينهما مشهد مؤثر لكنه جميل ملئ بالمشاعر.
حلم الزواج قديما كان سهل تحقيقه فالخير كان كتير والبطالة كانت مصطلح غريب على الاذن ومفيش ازمة شقق وأهل العروسة مكنوش بيطلبوا طلبات تكسر وسط العريس قبل معاده .. مكنش فيه نغمة ان البنت تقول انا مش بفكر فى الجواز والكلام الفاضي ده انا عايزة اشوف مستقبلي هم الرجالة احسن منى فى ايه ولا كان فيه قنوات ميلودى ومزيكا وووووو الخ عشان الشباب يقول اتجوز ليه ما انا بشوف كل حاجة .
فى عام 2007 شاب يريد الزواج من فتاة يحبها ما المطلوب منه لتحقق هذا الطلب
شقة فى منطقة راقية لا تقل عن اربع غرف وصالة واسعة وحمامين ومطبخ واسع وبلكونة تطلع على الشارع
وظيقة لا تقل مرتبها عن 2000 جنيه عشان تقدر تعيش البنت على نفس المستوى اللى متعودة عليه
شبكة ومهر بقيمة حاجة كبيرة كده نخض العريس وابوه
عربية امال هتركب العروسة ميكروباصات
تدخل الاولاد فى المستقبل القريب مدارس تعليم امريكى او بريطانى او المانى او فرنساوى بس عربي لا
طبعا شئ طبيعي ان مفيش شاب يفكر انه يتجوز ولا يتجرأ يحلم بيوم فرحه لان عشان تعمل فرح شيك لازم تدفع مبلغ ممكن تجيب بيه عربية مستعملة
فى عام 2007 فتاة تريد الزواج من شاب تحبه ما المطلوب منها لتحقق هذا الطلب
أن تختار شاب يملك ما يلي
شقة فى منطقة راقية لا تقل عن اربع غرف وصالة واسعة وحمامين ومطبخ واسع وبلكونة تطلع على الشارع
وظيقة لا تقل مرتبها عن 2000 جنيه عشان تقدر تعيش البنت على نفس المستوى اللى متعودة عليه
شبكة ومهر بقيمة حاجة كبيرة كده نخض العريس وابوه 4 عربية امال هتركب العروسة ميكروباصات
تدخل الاولاد فى المستقبل القريب مدارس تعليم امريكى او بريطانى او المانى او فرنساوى بس عربي لا


طبعا البنت مش هتلاقى شاب كده فهتتجوز راجل اكبر منها ب15 سنة بعد كده ينفصلوا لانهم مش متفاهمين او تفضل قاعدة فى البيت معنسة بجوار امها
الانسان فى مرحلة الشباب يتميز بالاندفاع فهو يريد تحقيق كل احلامه سواء بوظيفة محترمة تليق بمجهود 20 سنة حفظ مناهج مصرية أو الزواج والاستقرار .. لكن دائما تأتى الرياح بما لا تشتعى السفن فمفيش وظائف والبطالة بتزيد عام بعد عام رغم التصريحات والوعود الحكومية بالقضاء على البطالة وحتى ان تواجدت الوظيفة فالمرتب ضعيف ميكفيش شخص واحد لاخر الشهر .. وبفرض انه محظوظ وتزوج فدائما هناك مشاكل بسبب مصروف البيت وطلبات العيال والمدام وطلبات المدرسين الخصوصين اللى مش بتخلص وفواتير التليفون الكهربا اللى كل شهر بتولع من غير سبب وغيره وغيره من الضغوط التى تسبب احباط لاى انسان .
اذا نستنسج ان عدم تفكير الشاب والفتاة فى الزواج هو الشئ الطبيعى والمعقول فى هذا الزمن اما من يفكر فى الزواج فهو مجنون مجنون لا محالة
ياترى انتوا ناس عاقلة ولا مجانين؟؟

8 comments:

Ayman Elsherbiny أيمن الشربيني said...

والله أنا حتى الآن لسه عاقل، بس من حين لآخر بتجن:)

Amr Mohy said...

جنونك ده نتيجة ان الانسان فطرته متظبطة على انه لازم فى يوم هيتجوز يعنى هيتجوز لو فيه نصيب

فعلا الطبع يغلب التطبع :)

young pharaoh said...

انت نسيت اهم شرط يا معلم عمرو ان العريس يكون اكبر منها ب 5 سنين ههههههههههههههههههههههه

Amr Mohy said...

معتقدش يامدحت حكاية الــ5 سنين ده شرط موجود فى اى مكان الا فى بيت واحد وحظى انى روحت برجلى للبيت ده :&

Anonymous said...

MARIAM
awlan enta neset el ablekaat bs msh moshkla ahl el 3arosa msh hinso we hifkaroook b koooooooool 7aga ...bs 3la fekra blash el tasha2om da m7desh 3aref ymkn nasebak yewadeek le wa7da ahlha maiteeen ..sa3etha edb7lha el ota mn aweelhaaa

Amr Mohy said...

عارفة يامريم .. انا مش متشائم خلاص لانى من الناس المجنونة اللى بتفكر تتجوز و يبقى ليها بيت واسرة والكلام الصعب ده,,, بس اللى بيصدمنى انى دايما بلاقى اسباب غريبة ملهاش علاقة بالماديات ولا الشقة ولا ولا ولا بتخلينى اتردد فى قرارى واغير رأيي كل شوية

Anonymous said...

مش عارفة ليه انتوا نظرتكم كده وحشة للبنات واللهي في بنات كتير ولاد ناس مش بتحب تغالي في اى شي لالاشي غير ابتغاء مرضاة الله وتطبيق لسنة رسوله الذي كان دائم مايقول اكثرهم بركة اقلهم مهرا تحياتي ولازم يبقى عندك شوية تفائل الحياة لسة واللهي جميلة جدااااااااا وفيها بنات بترضي ربنا وتحياتي ليك

Amr Mohy said...

قلوب حائرة :

المشكلة ليست فى البنت انما فى اهل البنت اللى بيبالغوافى طلباتهم فى كتير من الاحوال عشان عايزين يعيشوها فى مستوى احسن من اللى كانت عايشة فيه