الاهلي فريقي المفضل فى كرة القدم والسلة والطايرة والتنس وكرة الماء حتي فى الاسكواش ولو عملوا دورى للبلي هشجحه ..من الأخر اللون الاحمر بيجري فى دمي _ لون تي شرت الأهلي _
مع أن الحاج ابويا زملكاوى الا انه دايما بيحسدنى لانى انقذت نفسي من تشجيع ابناء ميت عقبة فعلا الاب بيتمنى لابنه انه يكون أحسن منه .. بابا بص للمستقبل وحسبها فى دماغه - ماذا استفدت من تشجيع القلعة البيضاء؟ 53 سنة تشجيع زمالك خد منه ايه غير حرقة الاعصاب والتوتر وخيبة الامل والفضايح من الهزائم المرة ده غير المشاكل التى لا تنتهي بمرور الاجيال داخل فريق الكرة .. خدت ايه من فريق ياخد بطولة فى سنة ويخسرها 10 خدت ايه من فريق يكسب فرق درجة تالتة بالتسعة ويتغلب من فريق الاردن وفي استاد القاهرة .. خدت ايه من فريق كان رئيسه مرتضي منصور صاحب مقولة (انا معايا مستندات وفاكر القضية اياها ) خدت ايه خدت ايه ... ولا حاجة بس بعد السنين دى كلها معقول ابقى اهلاوى لا مستحيل مستحيل ده قدرى ولا استحمله بس الحمد لله ابنى طلع عاقل وعرف يختار انا فعلا عرفت أربي صح ...
علي مستوى الاصدقاء فالزملكاوية قليلين ده شئ طبيعي ... لكن صديقي الصدوق دوبي حكايته حكاية فهو بيشجع الزمالك وكان عايش فى الاسماعيلية فترة تخيلوا معايا كده زملكاوى واسماعيلاوى فى نفس الوقت طبعا حاجة صعبا جدا فالفريقين موكوسين دايما خاصة فى الفترة الاخيرة ودايما بعد كل ماتش الاهلى يفوز فيه يقول التحكيم الاحمر والكرة اوفسايد والبنلتى مش بنل والاهلى فريق محظوظ وووووووو مش عايز يعترف أن الاهلى هو الكبير .. دوبي يتفرج علي الزمالك يخسر يتفرج على الاسماعيلي يخسر .. الواد زهق قال يشجع اى فريق ضد الاهلى المهم الاهلى يخسر فشجع الصفاقسي فى النهائي فخسر الصفاقسي فى تونس وسط جمهوره .. جت عليه لحظة ضعف وقرر انه يشجع اهلاوى بس الحمد لله نجحنا نخليه يفضل على زملكاويته البيضاء فانا عارف هو عايز يشجع الاهلى ليه بس ده بعدك يادوبي
الاهلي بالنسبالى اكبر من فريق عادى .. الاهلى هو كل حياتى افرح بفرحه وازعل لزعله ومهما عمل فيا أهلاوي على طووول
الاهلي بيحتفل بعيد ميلاده الــــــ100 وحقق البطولة الــ100 كل سنة وانتوا طيبين يا أهلوية وعقبال 100 سنة كمان
4 comments:
ههههههه
الحمد لله إن عمو الحاج حاسبها بدماغه وبص للمستقبل
بس انا بقى ما ليش فى الكورة خاااااااالص ولا أهلى ولا زمالك، أنا بس بشجع المنتخب لأنه بيلعب باسم مصر، وساعات بشجع الأهلى بس شوف سبحان الله عمرى ما شجعت الزمالك ده خالص زى ما يكون قلبى كان حاسس
dobby'
yabny ana zamalakway 7ata law kan byl3ab darga 3ashra we 3omry ma hab2a ahlawy 7ata law ra7 le3eb fe el champion league
احييك يادوبي على موقفك فعلا هو ده الانتماء .. بس جرب كده تبطل تشجييع كرة اصلا يمكن بقول يمكن الزمالك يرجع زمالك
هاى
اززيكككككككككككك
انا شايفة انا الاهلى هيفضل طول عمره كبير اوى يعنى والحمد لله ان دوبى مش بيشجعه لحسن ينحس الفريق زى الزمالك كدةوانا الحمد لله عمرى ما هشجع الزمالك خالص حتى لو لعب مع مين وانا نفسي الزمالك يلعب مرة مع فريق زينا كدة سواء ريال مدريد او برشلونة عشان نتفرج على المستوى الحقيقى له
وشكرااااااااا
Post a Comment