Monday, May 14, 2007

أول الكلام

أول الكلام اني عملت مدونة بس معرفش ليه
انا كنت قاعد كالعادة قدام الشاشة الصغيرة للكمبيوتر بشوف أخبار العالم ايه سياسة كورة حادثة أو خبر عن احتجاج عمالي في مصنع خسران خسران .. فخطر علي بالى انى ليه ميكنش عندى بلوج اكتب فيه اللي انا عايزه اكتب فى اى حاجة في اى حاجة حلوة او وحشة حاجة إيجابية عايزها تتكرر او سلبية نفسي ما شوفهاش تانى ما احنا في عصر الحرية والديموقراطية _ علي حسب ما بسمع وبقرأ فى الجرايد _ فليه مخدش حقي من العصر ده

6 comments:

Anonymous said...

مبروووووووووووووك

اكتب يا عمرو وقول كل اللى فى نفسك ببساطة ومن غير فذلكة بس بصوت عالى، وخذ حقك بس ما تعش أوى فى موضوع عصر الحرية والديمقراطية ده لحسن تصدق بجد

صورة تعيشها وآخرى تتمناها.. طب ليه ما نعش الصورة اللى بنتمناها

Amr Mohy said...

الله يبارك فيكى

بالنسبة للصوت العالى فأنا اقصد بيه انى معليش صوتى بهدف اغطي على رأيي الأخرين فأهم مبادئ الحوار والنقاش الهادف اللى يوصلنا لحل ونتيجة هو احترام واستماع رأي الاخر بدون تشويش عليه

اما الصورة فطبيعي اننا عايشنين فيها سلبيات وايجابيات اما الصورة اللى بنتمناها كلها ايجابيات وده صعب يحصل فى الواقع

Anonymous said...

منونننننننننن
هاى يا عمرو ازيك انا مبسوطة اوى انك عملت مدونة اوىىىىىىى عشان تعبر فيها عن رايك وانا عارفة رايك بيبقى حاد شوية و فى درجة عالية من الحرية بس يا ربت الواحد فى المدونة يلاقى حاجة نقراها بدل القرف الى كل يوم نقراه فى الجرائد القومية اوالشتيمة الى بنقراها فى الجرائد الصفراء واولها روزليوسف طبعا
وانا موافقة اوى على اسم المدونة
ربنا معاك ومعانا

JuSt_hUmAn said...

مبروك يا ريّس..تعيش و تدوّن

Anonymous said...

بمأنك شاب مصرى فانا مش هاقولك هاىىى هاقولك السلام عليكم ورحمت الله وبركاته : بجد يا عمرو اكتر حاجة عجبتنى فى اللى انت كتبته ده كله الكلام الى قولته فى الااخر عن انك عايز تاخد حقك من العصر ده بانك تقول رأيك ، وان كان الى بقوله ده ماينفيش ان كل المدونات الى كتبتاها حلوه بجد .
بتمنالك نجاح المدونة
وربنا يوفقك000
ولاء

Amr Mohy said...

منه :

اهم حاجة موافقتك على اسم المدونة وان شاء الله تقرى حاجات حلوة تعجبك المهم تشجيعك

عمور :

الله يبارك فيك وعقبال كا شوفك كده حاجة كبيرة بعد 100 سنة :)

ولاء :

وعليكم السلام
اصل بصراحة من صغرى بسمع عصر الحرية والديمواقراطية والسموات المفتوحة مكنتش بهتم لكن لاقيت انى لازم اخد حقوقى كاملة واقول رأيي فى كل حاجة واى حاجة طالاما لا اتعدى حدود الاداب العامة ومجرحش فى الاخرين