لاول مرة يجيلي تاج من ساعة ما بدأت اكتب فى المدونة .. بحبك يامصر هي اللى بعتتهولي والله ياشيماء دايما سباقة وصاحبة واجب
نبدأ بالاجابات ..
من هو أحب شخص لقلبك فى الدنيا؟
الحمد لله الناس اللى بحبهم كتير يمكن عشان قلبي كبير
انسان مستعد تضحي بحياتك - ركز فى كلمة حياتك- علشانة؟
اللى احس انه ممكن يضحي عشاني بحياته اكيد كمان هضحي بحياتى عشانه
اسم أول حب؟
اكيد ماما
اسم اخر حب (حتى الان)؟
اصحابي واحد واحد
ما هو اسم أجمل كتاب كتبه بشر قرأته ومحتفظ به حتى الان ؟
مش عارف طول عمرى مكنتش بحب اقرى الكتب الكبيرة والضخمة يمكن بسبب الكسل بس كنت بحب اقرى قصص ملف المستقبل والرجل المستحيل
اسم كتاب-كتبه بشر برضة- انت متعلق بيه وبتقرأه كل فترة؟
لا يوجد
اهم جهاز منزلى انت متعلق بيه او بتستخدمه كتير ؟
الكمبيروتر
شىء تحس بالراحة النفسية عندما تنظر اليه ؟
الاطفال الصغيرين
مكان تحس فيه بالحنين الى شىء لا تدرى ماهو و ذكريات جارفة الى لاشىء ؟
دايما بحب القعدة قدام البحر لانى وقتها شريط الذكريات بيجرى قدام عنيا
مكان تحس بالراحة عندما تدخله ؟
الجامع لما بدخله بحس انى مرتاااح وهادى لا ورايا هموم ولا مشاكل
اجمل مدينة زرتها داخل مصر ؟
شرم الشيخ
أجمل مكان طبيعي رأيته داخل مصر؟
الشعب المرجانية فى البحر الاحمر
نوع هاتفك المحمول؟
نوكيا 6630 حد شارى
سرعة بروسيسور جهازك ؟
مش فاكر بس وقت ما اشتريته كان سريع زى الفهد
حجم ذاكرة –هارد- جهازك ؟
100 جيجا
المساحة التى تشغلها المواد الاسلامية على جهازك ؟
محسبتهاش .. بس فيه حاجات حلوة
نفس المساحة السالف ذكرها فى قلبك-الاجابة لنفسك عشان الرياء يا اخواننا ؟
مش فاهم ده سؤال ولا اجابة
أهم هدف انت واضعه لحياتك دلوقتى ؟
عايز اشتغل بس اخد نفسي الاول من الدراسة
مواصفات فتاة –أو فتى للبنات- الأحلام بالنسبة لك ؟
اهم حاجة تكون بنت ناس عارفه الصح من الغلط وتعرف تحافظ علي بيتها واولادها
صف ما يأتى شعورك لما بتسمع كلمة مصر؟
بحس انى فخور بمصريتي مهما حصل وطبعا بفتكر اهم 3 اركان فى مصر اللى هم الحزب الوطنى والنادى الاهلى وتليفونات نوكيا
شعورك لما بتسمع كلام عن اليهود ؟
بفتكر كل مشاكلنا اللى احنا بناعنى منها بسبب اليهود اوعوانهم
شعورك لما بتشوف ظابط شرطة ؟
ولا حاجة بس بحس ان فيه منهم ناس كتير محترمة بس مظلومين بسبب زملاء ليهم معندهومش ضمير ولا رحمة
شعورك لما بتشوف الكناس العجوز فى الطريق ؟
بتخيل هو قد ايه بيتعب عشان ياخد ملاليم يصرفها على اهله وعلى نفسه
لون البطانية اللى بتتغطى بيها فى الشتاء ؟
نبيتى فى اسود
لون الجورب-الشراب- المفضل لديك ؟
الابيض
احساسك اذا داست قدمك فى الطريق على مخلفات اخراج حيوان- *** ولا مؤاخذة
اكيد هقول ياااااااااااااااااااااااااع ايه ده
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف ؟
سمعله كام شريط وتأثر بالكلام اللى فيه لكن مع مرور الوقت هيرجع زى الاول واوحش لان التدين مش بسماع الشرايط واللبس لكن بالقلب والنيه
احساس يراودك فى اشارة مرور مغلقة بسبب مسئول كبير؟
لما بكون متأخر او فى عز الشمس بقول حسبي الله ونعم الوكيل
أمرر التاج لـــــ
تائهة فى ارض الاحلام
to be a human
قصاقيص بكار
2 comments:
إجباتك جميلة وبسيطةو يا عمرو، بس فى كذا حاجة كنت عاوزة أعلق عليها
أنا مش معاك إن اليهود هما سبب مشاكلنا، مشاكلنا احنا السبب فيها نسوا الله فأنساهم أنفسهم، ومن أعمالكم سلط عليكم، احنا اللى غلطنا ولازم نرجع تانى والإ حنفضل طول عمرنا بنضرب بسبب ضعفنا وبعدنا عن ربنا
معاك ان الايمان بالقلب والنية لكن مش معاك فى ان أى ملتحى بالضرورة يكون سمعله شريطين وكلها يومين ويرجع زى الأول وأوحش، لأن عموما هو ما عملش حاجة وحشة حتى لو كان عملها بعد ما سمعله شريطين زى ما بتقول ده واحد طبق سنة من سنن الرسول صلى الله عليه وسلم ، ومش معنى انه ربى لحيته أنه بقى شيخ وفى نفس الوقت ده مش حاجة وحشة برده، يعنى كل واحد حر فى شكله ومش المفروض ، نحكم عليه بالمظهر
بحبك يامصر :
اليهود سبب رئيسي اننا نسينا انفسنا وسبب رئيسي فى اعملنا اللى اديت الي توسيع الفجوة بين الوطن العربي .. مش لازم بسبب اليهود بشكل مباشر لكن ممكن بسبب اتباع وحلفاء اليهود
اما بالنسبة للحكاية الجلبية واللحية فانا اغلب اللى اعرفهم لبسوا البناطيل القصيرة واطلقوا اللحية بعد ما سمعوا شرايط واتفرجوا على كام درس لشيوخ مختلفين .. مش شرط كل الناس كده بس انا بتكلم عن اللى تعاملت معاهم
Post a Comment